د کابل ښاروالۍ د کلتوري او ټولنیزو چارو د مرستیال حاجي محمد نبي عثماني په مشرۍ د ګذر وکیلانو د ارزونې کمېټې ناسته ترسره شوه. په دې ناسته کې له بېلابېلو ناحیو څخه د ګذر وکالت لپاره ور پېژندل شوي کسان و ارزول شول. د کابل ښاروالۍ د ولسي او ټولنیزو چارو د همغږۍ رئیس قاري انعام الله قاضي زاده په دې اړه وویل: له دغو کسانو څخه چا چې، لوړې نمرې ترلاسه کړې وې، او د کمېټې د تائید وړ ګرځېدلي، د تصویب لپاره به د کابل ښاروالۍ مقام ته ور وپېژندل شي. نوموړي همدا راز وویل چې، د کابل ښاروالۍ د مقام له تائید وروسته به، نوي ګذر وکیلان د کابل ښاروالۍ د ټولنیزو او کلتوري چارو ریاست له لوري د وکالت مهر ترلاسه کړي او اړوند ناحیو ته به ور وپېژندل شي. د یادونې وړ ده چې، ژمن،مسئولیت مننونکي، صادق او هغه کسان چې، د ښاري او ټولنیزو چارو د ترسره کولو په برخه کې د همکارۍ وړتیا ولري، د ګذر وکیلانو په توګه ټاکل کېږي. د لایحې له مخې ګذر وکیلان د ښاریانو او مسئولينو ترمنځ د پُل حیثیت لري او اړتیا ده چې، خپلې دندې په سمه توګه ترسره کړي. د دندې د لایحې مطابق، ګذر وکیلان د ښاریانو او مسئولینو ترمنځ د نښلوونکي پله حیثیت لري او اړتیا ده چې، خپلې دندې په مسئولیت سره ترسره کړي