د کابل ښاروالۍ د مارکېټونو د تنظیم ریاست د مسئولینو له خوا د لسمې ناحیې اړوند د قلعه فتح الله او وزیر آباد په بازارونو کې د نرخنامې د تطبیق له څرنګوالي څارنه وشوه او سرغړونکو ته له تادیب سربېره،لازمې سپارښتنې وشوې. په همدې توګه د ښاري نظم د رامنځته کېدو په موخه، له پلو لارو او سړکونو څخه خنډونه پاک او ولېږدول شول. د کابل ښاروالۍ د مارکېټونو د تنظیم رئیس مولوي مدثر محمد یونس په وینا؛ د یادو سیمو په بازراونو کې د لومړنیو خوراکي توکو له نرخونو او نېټې، په نانوایانو کې د وچې ډوډۍ له وزن او چاپېریال ساتنې څخه څارنه وشوه؛ هغه فعالیت کوونکي چې، د کابل ښاروالۍ د نرخنامې مطابق یې خپل توکي پلورل وهڅول شول او سرغړونکو ته اړینې سپارښتنې وشوې. د یادونې وړ ده چې، په ښاري ژوند کې سوکالي او نظم یو اصل دی چې، ټول یې باید په پام کې ونیسو. کابل ښاروالۍ د ښاري نظم له ګډوډونکو سره قانوني چلند کوي