د سطحې اوبو د مدیریت موخه، د اتمې ناحیې په بېلابېلو سیمو کې د بندو کانالونو او لښتیو د پاکولو چارې د کابل ښاروالۍ د تنظیف ریاست له خوا روانې دي. د کابل ښاروالۍ د تنظیف ریاست د کانالونو آمر، انجنیر احمد نوید "شېرزاد" په دې اړه وویل: د پلان له مخې، د کارته نو او رحمان مینې سړکونو په اوږدو کې د بندو کانالونه او لښتیو د پاکولو چارې په اساسي توګه پر مخ روانې دي. نوموړي د سیمې له اوسېدونکو غوښتنه وکړه چې، د پاکو شویو لښتیو او کانالونو پاک ساتلو ته پاملرنه وکړي، ترڅو د موسمي بارانونو پر مهال سړکونو ته د اوبو راوتلو شاهدان و نه اوسو. د ښار په کچه د کانالونو او لښتیو د بندېدو لامل د ځینو ښاریانو بې پروايي ده، چې د هر ډول کثافاتو په اچولو سره یې بند کړي دي. د یادونې وړ ده چې، (۵) لارۍ، یو عراده اسکواتور، او د تنظیف ریاست (۱۶۰) تنه کارکوونکي له یادو سیمو څخه د شاوخوا (۲۰،۰۰۰) متره مکعب کثافاتو د لیږدولو په موخه ګمارل شوي دي