د لسمې ناحیې د مسئولینو له خوا د یادې ناحیې په بېلابېلو سیمو کې د ښاري اصولو او مقرراتو له اړخه د بازارونو نظم وڅارل شو او یو شمېر سرغړونو او بې نظمیو ته رسېدنه وشوه. د یادې ناحیې رئیس مولوي نورالوهاب نوري وویل چې، د فعالیت کوونکو د فعالیت له جواز، په هټیو کې د نرخنامې د تطبیق له څرنګوالي، د رستورانتونو، نانوایانو او قصابیو له حفظ الصحې څارنه وشوه او سرغړونکو ته اړینې سپارښتنې وشوې. نوموړي زیاته کړه چې، له دې وروسته به له بازارونو څخه په دوامداره توګه څارنې کېږي او سرغړونکي به له قانوني چلند سره مخ شي