درنو ښاریانو!
کوڅې او سړکونه زموږ د ټولو ګډه شتمني ده او ساتل یې هم د ټولو ښاریانو ګډ مسئولیت دی.
ټولو ښاریانو ته خبر ورکول کېږي چې، په سړکونو او کوڅو کې د شګو، خاورو، کانکرېټ او نورو ودانیزو توکو اچول په کلکه منع دي ځکه دا کار د ښاري زیربناوو د ویجاړېدو سبب ګرځي.
همدا راز له ټولو ښاریانو غوښتنه کېږي چې، د خپلو کورنو او ودانیو د جوړولو پرمهال د ودانیزو توکو لپاره اړین تدابیر ونیسي او ټول مواد باید مشخص او مناسب ځای کې واچوي څو د سړکونو له بندېدو او د زیانمنېدو څخه مخنیوی وشي.
کابل ښاروالۍ د سرغړونې لیدلو په صورت کې له سرغړونکو سره قانوني چلند کوي.