د کابل ښاروالۍ د خپرونو او عامه پوهاوي او د چاپېریالي روغتیا او چاپېریال ساتنې ریاستونو له خوا د څلورمې ناحیې اړوند سیمو کې لښتیو ته د فضلاب لارو له پرېښودو څخه د مخینوي په اړه د عامه پوهاوي برنامه ترسره شوه. د دغې برنامې له لارې د ودانیو مالکانو ته سپارښتنه وشوه چې، په پلیو لارو او زرغونو سیمو کې د فاضلاب لپاره د جذبي څاه ګانو کېندل، د ښاري اصولو او مقرراتو خلاف عمل دی او له دې ناوړه کار څخه باید ډډه وکړي. همدا راز د چاپېریالي روغتیا او چاپېریال ساتنې ریاست مسئولینو ټینګار وکړ چې، د کورونو د مخې لښتيو او کانالونو ته د فاضلاب لارو را پرېښودل په کلکه منع دي. د دغو څارنو په لړ کې یو شمېر سرغړونکو ته د اړینو سپارښتنو ترڅنګ، له دوی څخه په لیکل شوې بڼه ژمنې واخیستل شوې. ښاریان مکلف دي چې، د خپلو کورونو او ودانیو د فاضلاب لپاره غیر جذبي سپتیک څاه ګانې جوړې کړي. لښتیو او کانالونو ته د فاضلاب لارو پرېښودل، نه یوازې د چاپېریالي او ښاري ستونزو د رامنځته کېدو لامل ګرځي ، بلکې دا کار له دیني او اسلامي لارښوونو سره په ټکر کې ده