د لومړۍ ناحیې اړوند د باغ قاضي په سیمه کې د جلغوزیو د سوداګریز مارکېټ د جوړولو چارې د کابل ښاروالۍ له خوا او د خصوصي سکټور په مرسته، روانې دي. دغه مارکېټ چې په (۱۶۰۳) متر مربع ځمکه کې د یوې تهکوۍ په ګډون په دوه پوړونو کې ډیزاین شوی دی، (۵۴)هټۍ لري او په جوړېدو سره به یې متشبیثینو ته د خوندي پانګونې زمینه برابره شي. کابل ښاروالۍ د زیربنايي پروژو ترڅنګ اقتصادي او سوداګریزې پروژې هم پلې کوي څو د ښار ودې او پانګوالو ته د پانګونې ښه فرصتونه رامنځته شي