د کابل ښاروالۍ له لوري د نیالګیو ایښودلو کمپاین په لړ کې د یکشنبه په ورځ د ۱۳۹۷کال د کب میاشتي په ۲۶مه نیټه د دیارلسمي ناحیې اوسیدونکو د نیالګیو کینولو له کمپاین څخه د سولی په هیله استقبال وکړ او د کابل ښاروالۍ له مسولینو سره یې د یادي ناحیې په چهل دختران سیمه کې د نیالګیو کینولو په برخه کې مرسته وکړه. د یادي ناحیې اوسیدونکو ژمنه وکړه چې د ښه ښاري فرهنګ رامنځته کولو، د شنو سیمو ودې او نیالګو ساتني په برخه کې به کابل ښاروالۍ سره همکاري کوي. کابل ښاروالۍ د بیلا بیلو ناحیو د هم مهالې پراختیا پخاطر د شنو سیمو ودې او تفریحي پارکونو رغولو لپاره لنډمهال، منځ مهال او اوږد مهال پروګرامونه لري چې د خلګو په مرسته به په ښه توګه پلي شي، چې دا د ټولو خلګو او د ښاري سکتور د مسولینو ګډه موخه ده.
