یکشنبه په ورځ د ۱۳۹۷کال د کب میاشتي په ۲۶مه نیټه د کابل ښاروالۍ له لوري د نیالګیو کینولو کمپاین په لړ کې د نهمې او شپارلسمی ناحيو د ګذر وکیلانو، د شورا غړو، ښځو او ځوانانو ته د نیالګیو کینولو په اړه د عامه پوهاوي کمپاین په لاره واچول شو. په دي راټولیدنه کې مسولینو د نیالګیو د ارزښت،ساتنې ، روزنې، په منظم ډول د اوبو ورکولو، د شنو سیمو ګټو او د ژوند لپاره د خوندي چاپریال رامنځته کولو په اړه مالومات ورکړل، او د سیمي له اوسیدونکو څخه یې په دي اړه کابل ښاروالۍ سره د مرستي غوښتنه وکړه.
