د نوي ۱۳۹۸ لمریز کال د وري میاشتې په لمړۍ نیټه په کابل کې د خوراکي توکو د منډيي جنډه، په داسې حال کې چې د کابل ولایت د امنیه قوماندانۍ له جنايي پیښو سره مبارزې رییس محمد سالم الماس، دیني عالمان، هټیوال او د لمړۍ ناحیې اړوند دګذر وکیلان هم حاضر وو د کابل ښاروال احمد ذکي سرفراز له خوا پورته شوه. په هغه غونډه کې چې له همدې امله جوړه شوې وه، کابل ښاروال دخپلې وینا په ترڅ کې وویل: هیله ده چې په نوي کال کې سوله، برکت، آرامتیا اوخوشحالي دخلکو په برخه او هر ډول تاوتریخوالئ له منځه ولاړ شي.
