د ګذر وکیلانو د ارزونې کمیټې غونډه د کابل ښاروالۍ د ټولنیزو او کلتوري چارو مرستیال حاجي محمد نبي "عثماني"په مشرۍ ترسره شوه. په دې غونډه کې د ښار د بېلابېلو ناحیو د اوسیدونکو له خوا معرفي شوي کسان تر ازرونې لاندې ونیول شول او هغه کسان چې لوړ امتیاز ترلاسه کړي او د کمیټې له خوا تأیید شي، د وروستي تصویب لپاره به د کابل ښاروالۍ مقام ته ور وپېژندل شي. د ښاروالۍ د مقام له تصویب وروسته به د ګذرونو لپاره نوي انتخاب شوي وکیلان د ټولنیزو او ولسي چارو د همغږۍ ریاست څخه د وکالت مُهر ترلاسه کولو سره په رسمي ډول اړوندو ناحیو ته معرفي شي. ګذر وکیلان باید پوه، ژمن او مسئولیت منونکي کسان وي چې، د ښاریانو او مسئولینو ترمنځ د نښلوونکي پله رول لوبوي. ګذر وکیلان اړ دي چې، د دندو د لایحې له مخې، د ښه نیت او د خدمت کولو په روحیې سره خپلو خلکو ته ټولنیزې او ښاري خدمات په غوره توګه تر سره کړي