د ښار په اوږدو کې د نیالګیو ایښودلو ستر کمپاین په لړ کې د دو شنبه په ورځ د ۱۳۹۸کال د وري میاشتي په ۵مه نیټه په دویمه ناحیه کې په داسي حال کې چې د یادي ناحیې مشرانو ګډون درلود د کابل ښاروالۍ پلان جوړونې او ښاري ودي مرستیالۍ اغلي سحر همدرد له لوري د نیالګی په کینولو سره د نیالګیو ایښودلو کمپاین پيل شو. په دي کمپاین کې یوځل بیا د پلان جوړونې او ښاري ودي مرستیالي اغلي سحر همدرد د کابل ښاروالۍ په استازیتوب له خلګو وغوښتل ترڅو د ښار په سمسورتیا کې کابل ښاروالۍ سره همکاري وکړي، نوموړي زیاته کړه: اړینه ده چې ټول د کابل ښار سمسورتیا پخاطر سره لاسونه ورکړو او له شته امکاناتو په سمه توګه ګټه پورته کړو.
