کابل ښاروالۍ د ښار په بیلا بیلو ناحیوکې د نیال کینولو دکمپاین په دوام او دکابل ښار د زرغونتیا او سمسورتیا په موخه، تیره ورځ چهارشنبه د ۱۳۹۸ لمریزکال د وري میاشتې اوومه نیټه، دکابل ښار په اوولسمه ناحیه کې د نیال کینولو کمپاین پیل کړ. د دې کمپاین د مراسمو په لړکې چې، دچاپیریال ساتنې دملي ادارې یو شمیر چارواکي او د سیمې زیات شمیر اوسیدونکي هم حاضر وو،کابل ښاروال احمد ذکي سرفراز دخپلې وینا په ترڅ کې وویل:کابل ښاروالۍ ښاري وده او ښاري معیارونه په پام کې نیولي او د ښاري ستونزو له منځه وړلو او په ناحیوکې د پراختیا د یوخیلته والي پلانونوته لمړیتوب ورکوي اوپه دې برخه کې دټولو ښاریانو مرسته اړینه ده. کابل ښاروال وویل: زرغونتیا، له ککړتیا څخه د هوا دخلاصون یوه لارده او اړتیا ده چې ددې ښار هر اوسیدونکۍ د کابل ښار د زرغونتیا، ښکلا او دهوا د پاکوالي په موخه یویو نیالګۍ کینوي.
