د اتمې ناحیې د مسئولانو له لوري د یادې ناحیې په بېلابېلو سیمو کې د ښاري اصولو او مقرراتو له اړخه د بازارونو نظم وڅارل شو. د اتمې ناحیې د ښاري خدمتونو آمر مولوي احسان الله وویل چې، په نانوایانو، قصابیو او د خوراکي توکو په پلورنځیو کې د نرخنامې له مخې د توکو له قیمت او د فعالیت جواز له شتون څخه څارنه وشوه او سرغړونکي ته اړینې سپارښتنې وشوې. نوموړي زیاته کړه چې، له دې وروسته له بازارونو څخه څارنې زیاتېږي او سرغړونکي به له قانوني چلند سره مخ شي