د یوولسمې ناحیې د مسئولینو له خوا د یادې ناحیې له بازارونو څخه د څارنو په لړ کې (۴۵۰۰) کیلو ګرامه بې کیفیته توکي چې، د مصرف نېټه یې هم پای ته رسېدلې وه او دغه راز (۲۰۰) لوډسپیکرونه چې، غږیزه ککړتیا یې رامنځته کوله راټول او د له منځه وړلو په موخه، ټاکلي ځای ته ولېږدول شول د یادې ناحیې د ښاري خدمتونو آمر قاري امین الله صاحب زاده په دې اړه وویل: د ښاریانو د روغتیا دخوندي ساتلو په موخه، د دې ناحیې د چاپېریالي څانګې له خوا، له بازارونو څخه څارنې دوام لري. نوموړي له ښاریانو غوښتنه وکړه چې د اړتیا وړ توکو د پېرلو پرمهال دې د هغوی نېټې او کیفیت ته پام وکړي او همدا راز پلورونکو ته هم سپارښتنه کیږي چې، د بې کیفیته او تېر وخته توکو له پلورلو او په سړکونو او کوڅو کې د لوډسپیکرونو په کارولو سره د غږیزې ککړتیا له رامنځته کولو څخه په کلکه ډډه وکړي