د پنځلسمې ناحیې د مسئولانو له خوا د یادې ناحیې له بازارونو څخه د څارنو په لړ کې، ۲۵۳۴ کیلو ګرامه تېر وخته او بې کیفیته خوراکي او غیر خوراکي توکي او ۷۵ لوډسپیکرونه چې، د غږیزې ککړتیا لامل ګرځېدلي وو راټول او د له منځه وړلو په موخه ټاکلي ځای ته ولېږدول شول. د پنځلسمې ناحیې مرستیال مولوي سراج الدین سعادتیار وویل چې، د ښاریانو د روغتیا خوندي ساتلو په موخه، د یادې ناحیې له بازارونو څخه په دوامداره توګه څارنې ترسره کېږي، څو د بې کیفیته او تېر وخته توکو له پلور څخه مخنیوی وشي