د کابل ښاروالۍ د لومړۍ ناحیې د مسئولانو له لوري د یادې ناحیې له بازارونو څخه د څارنو په پایله کې ۴۰۲۰ کیلو ګرامه بې کیفیته او تېر وخته خوراکي او غیر خوراکي توکي راټول او د لمنځه وړلو په موخه ځانګړي ځای ته ولېږدول شول. د کابل ښاروالۍ مسئولان له پلورونکو او مصرف کوونکو غوښتنه کوي چې، د پلورلو او پېرلو پرمهال د توکو نېټې او کیفیت ته پام وکړي څو د ناروغیو له خپرېدو څخه مخنیوی وشي. د لومړۍ ناحیې د مسئولانو له لوري له بازارونو څخه څارنې لا جدي او ګړندۍ کېږي څو د غیر صحي او بې کیفیته توکو له پلورولو مخنیوی وشي.