کابل ښاروال پوهنیار احمد ذکی سرفراز ښځو سوداګري خونې او صنایع رییسی اغلی منیژه وافق سره د ښځو د اقتصادي او ټولنیزي پیاوړتیا په اړه لیدنه وکړه. په دي لیدنه کې کابل ښاروال د افغانستان د ښځو د سوداګري خونې او صنایع رهبرۍ پلاوي د نظرونو او وړاندیزونو اوریدلو څخه وروسته کابل ښار کې ښځو ته د اقتصادي، فرهنګی او داخلي صنایعو ودي او مناسب کار پیدا کولو په اړه وویل: کابل ښاروالۍ د ګډ کار ودي، او افغان پانګوالو ښځو ملاتړ پخاطر د ورځي بازارونه جوړوي. کابل ښاروال زیاته کړه: له هرې ممکنې لارې څخه کابل ښاروالۍ د ښځو صنعت ودي پخاطر یادې خونې سره مرستي ته چمتو دي، تر څو سوداګري ښځې پياوړي شي او د ټولني، کورنۍ اقتصاد پياوړي کړي او له بل اړخ څخه له کورني توکو څخه ګټه اخیستنه د هیواد د اقتصاد په لوړولو کې ډیر اړین ګڼل کیږي کابل ښاروال د ښځینو صنعت کارانو له کړنو څخه ټولو خلګو ته خبرورکول اړین وګڼل، ترڅو د ښځو سوداګري په بازارونو کې وده وکړي، او اړینه ده چې ټول مدني او ښاري بنسټونه د پانګوالو له کړنو څخه اوږد مهالۍ ملاتړ ولري.
