د دوشنبه ورځ د ۱۳۹۸ کال د ثور په ۳۰مه کابل ښاروالۍ د اوبو رسونې ، کانالیزاسیون او اترا ادارې سره د ښاري شبکو د ایجاد او ساتنې په تړاو ناسته لرله.
ناسته کې د کابل ښاروال پوهنیار احمد ذکي سرفراز ټینګار وکړ چې د شبکو د ایجاد برخه کې د پایپ او کیبلونو غځونې لپاره اړتیا ده چې د ښاري سکتور ادارې خصوصا د اوبو رسونې او اترا اداره کابل ښاروالۍ سره په همغږۍ زیربناو او موجوده شبکو ته په پام خپل تاسیسات جوړ کړي.
ناسته کې د ټولو لوریو د نظرونو له اوریدو وروسته پریکړه وشوه چې اړونده ادارې به څو اړخیز خپلمنځي هوکړه لاسلیکوي چې په اساس به یې د ښاري شبکو او ساختماني چارو له پیله اړوندې ادارې خپل مسوولیتونه ادا کوي
کابل ښاروال د غونډې په ترڅ کې وویل، ښاروالي پلیو لارو، سړکونو او ښاري شبکو لپاره لازم اقدامات پیل کړي،
محترم ښاروال دغه راز وویل، پلیو لارواو ښاري شبکو د تخریب د مخنیوي لپاره باید د ښاري شبکو د تنظیم برخه کې یوه هر اړخیزه هوکړه او مقرره ترتیب او تطبیق شي.
د یادونې ده چې کابل ښاروالي پریکړه کړې چې د ښار په لارو او واټونو به د هر ډول خپلسریو کیندنو مخه نیسي.
