د لسمې ناحیې د مسئولینو له خوا د ښاري اصولو او مقرراتو د مراعاتولو له اړخه، د یادې ناحیې د بازارونو نظم وڅارل شو چې، په پایله کې یې یو شمېر ښاري بې نظمیو ته رسېدنه وشوه. همدا راز د فعالیت د جواز له شتون، د نرخنامې له مخې د توکو د پلورلو، د رستورانتونو، نانوایانو او قصابیو له حفظ الصحې څخه هم څارنه وشوه او سرغړونکو ته اړینې سپارښتنې وشوې. د مسئولینو په وینا؛ د یادې ناحیې له بازارونو څخه څارنې په دوامداره توګه روانې دي او له سرغړونکو سره به د قانون او اصولو له مخې چلند وشي