د کابل ښاروالۍ د کار، ساتنې او مراقبت ریاست له خوا د ۳۳۰ مترو په اوږدوالي او ۱.۴ مترو په لوړوالي د درېیمې ناحیې اړوند د غازي لېسې د احاطې دېوال د جوړولو چارې روانې دي او ټاکل شوې ده تر راتلونکې یوې اونۍ پورې په اساسي توګه بشپړې شي. دا په داسې حال کې ده چې، له دهمزنګ څخه تر کوټه سنګي ( میرویس میدان) پورې د سړک د پراختیا له امله د یادې لېسې د احاطې مخکینی دېوال ړنګ شوی وو چې، د ریاست الوزراء مقام د حکم پر بنسټ یې کابل ښاروالۍ د جوړولو په اړه اقدام وکړ. دا پروژه د ښاري زیربناوو د ښه والي او د ښوونیزو بنسټونو د پیاوړتیا په برخه کې د کابل ښاروالۍ د ملاتړ څرګندونه کوي