پرون د جوزا په ۱۲ مه د د دویمې ناحیې اړوند د ګذر اول دهن نل تمځای د بیا رغونې چارې د کابل ښاروالۍ د ټولنیزو ښاري پراختیايی چارو د معین سرمحقف فاضل شریفي د هبیتات موسسې به ملاتړ ښار د ټولو لپاره پروګرام استازیو او ځایي خلکو په حضور د پټۍ په پریکولو پیل شوې. د ۷۰۴۰۰۰ډالرو په ارزښت دغې پروژه کې ۵۸۰ متره سړک او پخه کوڅه، ۲۷۲ متره زینه، ۷۵۴ متره ویاله او ۳۱ متره استنادي دیوال جوړیږي چې ۱۲۰۰ کورنۍ به یې له ګټې برخمنې شي. د کابل ښاروالي او د هبیتات دفتر لخوا ښار د ټولو لپاره پروګرام د پالیسۍ له مخې هر هغه ګذر یا مالت چې د ښاري خدمتونو او صفایي محصول زیات ادا کړي، د هغه مالت خلک د یوې ښې تشویقي پروژې د تطبیق مستحق ګرځي.
د ګذراول دهن نل تمځای د بیارغونې چارې پیل شوې
19 جوزا 1398