د دوه ویشتمې ناحیې لپاره نوی رئیس وټاکل شو

د کابل ښاروالۍ په وړاندیز او د ریاست الوزراء مقام په منظورۍ ښاغلی انجنیر محمد داود د دوه ویشتمې ناحیې د نوي رئیس په توګه وټاکل شو او د کابل ښاروالۍ مقام د دفتر د رئیس مفتي عبدالقادر نعماني له لوري همکارانو ور وپېژندل شو.
د کابل ښاروالۍ مقام د دفتر رئیس د پلانونو او برنامو د پلي کېدو په برخه کې د یادې ادارې د مشرتابه لارښوونې بیان کړې او ویې ویل: انجنیر داود یو ژمن، مسلکي او تجربه لرونکی شخص دی او په دوه ویشتمه ناحیه کې چې، پراختیا په حال کې ناحیه ده باید د غیر معیاري رغونو مخنیوی وکړي. د نوموړي په وینا؛ نوی رئیس به خپل مسئولیتونه د صداقت او ایماندارۍ له مخې په پوره ژمنتیا ترسره کړي.