د ځینو ښاریانو له خوا د پلاستیک کارونه او هر ځاي غورځول د تشویش وړ دي، چې تل یې د چاپيریال ساتنې ښکلا ته زیان اړولي، د سیمیزي روغتیا او چاپیریال ساتني برخې د کابل ښاروالۍ ځینو ناحیو سره په همغږي د چاپيریال ساتنې نړیوالی اونۍ په مناسبت، د پلاستیکي څیزونو ګټي اخیستني کموالي په په موخه د عامه پوهاوي کمپاین ترسره کړ. کابل ښاروالۍ له درنو ښاریانو غواړي چې د پلاستکي څیزونو کارونه لږ کړي او د خپلو کورونو ترڅنګ د لښتیو ،هټي یو او هستوګني ځایونو کې پاکوالي ته جدي پاملرنه وکړي او د پلاستیک او نورو ناولتیاو غورځولو سره چاپيریال ککړ نکړي. د یادونې وړ ده چې په دي کمپاین کې بیلا بیلو اصنافو او د ناحیو اوسیدونکو ته د پلاستیک کارونې تاوانونو او سالم چاپيریال په اړه عامه پوهاوي وشو، همدارنګه د تکه یې خریطو څخه د ګټي اخیستې دود ودي ورکولو پخاطر ښاریانو ته تکه یې خریطې ورکړل شوي. همدارنګه د کابل ښاروالۍ تنطیف، سیمیزې روغتیا او چاپیریال ساتنې ریاستونه له تیرکال نه را په دي خوا، د پلاستیک نه کارونې په اړه بیلا بیلي د عامه پوهاوي برنامې هوټل لرونکو، خبازانو او نورو ښاري اصنافو ته په لاره اچولي، ترڅو چاپيریال نور هم ککړ نشي.
