د لسمې ناحیې د مسئولانو له لوري د ښاري اصولو او مقرراتو د پلي کولو له اړخه د یادې ناحیې په بېلابېلو بازارونو کې ښاري نظم وڅارل شو او یو شمېر ښاري سرغړونو او بې نظمیو ته رسېدنه وشوه.
د لسمې ناحیې رئیس مولوي نورالوهاب نوري وویل چې، د هټیو د فعالیت له جواز، د نرخنامې له تطبیق، د رسټورانتونو، نانوایانو او قصابیو له روغتیا ساتنې څارنه وشوه او سرغړونکو ته اړینې سپارښتنې وشوې.
نوموړي ټینګار وکړ چې، په راتلونکې کې به هم د یادې ناحیې له بازارونو څخه دوامداره څارنې روانې وي او له سرغړونکو سره قانوني چلند کېږي.
د لسمې ناحیې د بازارونو نظم وڅارل شو
4 دلو 1404