له خیرخانې کوتل څخه د قرغې تر سړک پورې نښلوونکی سړک له وارو پاک او د ترافیکو پرمخ پرانیستل شو

د کابل ښاروالۍ د زیارکښه کارکوونکو له خوا، له خیرخانې کوتل څخه د قرغې تر سړک پورې نوی نښلوونکی سړک له واورو پاک او د ترافیکو پر مخ پرانیستل شو.
دغه سړک چې د خیرخانې کوتل سړک د ترافیکي بهیر د وېش په برخه کې مهم رول لري، په پرانیستل کېدو سره به یې ښاریانو ته آسانتیاوې رامنځته شي.
همدا راز د ښار په نورو برخو کې هم سړکونه له کنګل کېدو څخه د مخنیوي په موخه، له واورې پاک او شګه پرې شیندل شوې ده.
د یادونې وړ ده چې، د وروستیو ورښتونو له امله د کابل ښاروالۍ کارکوونکي شپه او ورځ د سړکونو په پاکولو بوخت دي څو ښاریانو ته د تګ راتګ په برخه کې آسانتیاوې رامنځته شي.