د کابل ښاروالۍ د زیارکښه کارکوونکو له خوا د اتمې ناحیې اړوند سیمو له سړکونو څخه واوره راټوله او جذب وړ سیمو ته ولېږدول شوه.
دا کار د سړکونو له کنګل کېدو څخه د مخنیوي او ښاریانو ته د تګ راتګ په برخه کې د آسانتیاوو رامنځته کولو په موخه، ترسره شو.
جذب وړ سیمو ته د واورې لېږدول په تدریجي ډول د ځمکې لاندې اوبو د سرچینو د پیاوړتیا او د چاپېریال د سالم پاتې کېدو لامل ګرځي.
ورته مهال د کابل ښاروالۍ مشرتابه تنظیفي کارکوونکو ته سپارښتنه کړې ده څو سړکونو له واورو پاک او راټوله شوې واوره جذب وړ سیمو ته ولېږدوي.
د اتمې ناحیې له سړکونو څخه واوره راټوله او جذب وړ سیمو ته ولېږدول شوه
8 دلو 1404