د خپلسرو او ناقانونه ودانیو د مخنیوي په غونډه کې د کابل ښاروال پوهنیار احمد ذکي سرفراز، د ښاري نظم د پولیسو قومندان او ښاروالۍ د ناحیو رییسانو ګډون کړی و.
غونډه کې د ښاري تخلفاتو د قانون او مقررې له مخې د بې جوازه او خپلسرو ودانیو د جوړونې د مخنیوي لارې چارې وسنجول شوې.
کابل ښاروال دې برخه کې خپل پلانونه تشریح کړل او اړوندو ادارو ته یې لارښوونه وکړه چې د خلکو د ستونزو د حل لپاره دې برخه کې جدي او اغیزناک اقدامات وکړي.
ښاروال دغه راز خبرداری ورکړ چې د خپلسرو ودانبو جوړونکو سره به د دوی جرم ته په پام سخت قانوني چلند کیږي
