د سطحي اوبو د مدیریت او د اوبو بندېدو د مخنیوي په موخه، د کابل ښاروالۍ د تنظیف ریاست له خوا د اتمې ناحیې په بېلابېلو سیمو کې د بندو کانالونو او لښتیو د پاکولو چارې روانې دی.
د جوړ شوي پلان له مخې، د کابل– لوګر سړک، کارته نو او رحمن مېنې د سړک په اوږدو کې بند کانالونه او ویالې په اساسي توګه پاکېږي څو د اوبو بهیر په منظم ډول جاري وساتل شي.
د کابل ښاروالۍ مسئولین له ښاریانو غواړي چې، د پاکو شوو کانالونو او لښتیو په پاک ساتلو کې مرسته وکړي، څو د موسمي بارانونو پر مهال په ویالو کې د اوبو بندېدو مخه ونیول شي.
د یادونې وړ ده چې، د کانالونو او لښتیو د بندېدو اصلي لامل د ځینو ښاریانو بېپروايي او په دغو کانالونو او لښتیو کې د کثافاتو غورځول دي، چې د بندښت او چاپېریالي ستونزو د رامنځته کېدو لامل ګرځي.
په اتمه ناحیه کې د بندو کانالونو او ویالو د پاکولو چارې روانې دي