تیره ورځ د خپلواکۍ د ۱۰۰ مې کلیزې د رارسیدو په ویاړ د پولیسو اکاډمۍ کې د حماسي شاعرۍ او موسیقۍ محفل نیول شوی و.
محفل کې د کابل ښاروالۍ مسوولین، د کابل ګڼ اوسېدونکي مشران او د داخله وزرات چارواکي سره راټول شوي وو.
د ښاروالۍ د ټولنیزو او کلتوري چارو معین د محفل ګډونوالو ته وینا کې وویل، د دې ورځې نمانځنه په حقیقت کې د خپلو اتلانو د قربانیو، سرښندنو پاس ساتنه ده چې د دې خاورې خپلواکۍ او سولې لپاره یې خپل ژوند وقف کړ او ستونزې یې وګاللې.
نوموړي مخکې له مخکې د دغې ورځې مبارکي ټول ملت او د پولیسو اکاډمۍ افسرانو ته ورکړه او د تاوتریخوالي او جګړې له غږه د پاک ژوند استدعا یې ورته وکړه.
دې محفل کې د خبرو له برخې وروسته مشاعره او موسیقي هم وشوه.