د لسمې ناحیې مسئولینو د یادې ناحیې په بازارونو کې د نرخنامې د تطبیق له څرنګوالي څارنه وکړه او له سرغړونکو سره د قانون له مخې چلند وشو.
په لویو پلورنځیو، نانوایانو او قصابیو کې د خوراکي او غیر خوراکي توکو له قیمتونو، کیفیت او حفظ الصحې څخه څارنه وشوه څو ښاریان وکولای شی د روژې په مبارکه میاشت کې خپل د اړتیا وړ توکي په مناسب قیمت او لوړ کیفیت له بازارونو څخه ترلاسه کړي.
هغه پلورونکي چې د نرخنامې مطابق یې خپل توکي پلورل لا وهڅول شول او هغوی ته چې، سرغړونې یې درلودې اړینې سپارښتنې وشوې.
همدا راز پر فعالیت کوونکو ټینګار وشو څو په پلیو لارو او سړکونو کې د توکو په اېښودو د لارې د بندېدو لامل نشي او د ښار او چاپېریال پاکوالي ته په کلکه پام وکړي.
د لسمې ناحیې په بازارونو کې د نرخنامې د تطبیق له څرنګوالي څارنه وشوه
9 حوت 1404