د کابل ښاروالۍ د تنظیف ریاست د شپې او ورځې هڅو په پایله کې، د ښار بېلابېلې زیانمنونکې سیمې د وروستیو ورښتونو له امله د اوبو ډڼډ کېدو له ستونزې و ژغورل شوې.
کابل ښاروالۍ په دې برخه کې ګړندي ګامونه پورته کړل څو سړکونه له اوبو پاک او د عامه تاسیساتو له ویجاړېدو مخنیوی وشي. اوس مهال په کابل ښار کې وضعیت ښه شوی او هڅه کېږي څو ښاریانو ته د تګ راتګ په برخه کې ستونزې را منځته نه شي.
ورته مهال له ټولو ښاریانو غوښتنه کېږي چې، په کانالونو او لښتیو کې د کثافاتو له اچولو څخه ډډه وکړي څو له یوې خوا لارې د اوبو ډنډ کېدو له امله بندې نشي او له بلې خوا چاپېریال پاک وساتل شي.
د ښار په بېلابېلو سیمو کې د اوبو ډنډه کېدو ستونزه حل شوه
16 حمل 1405