د کابل ښاروالۍ د مسؤلینو او د دویمې ناحیې د یو شمېر اوسېدونکو له لوري د ښاری چاپېریال د تنظیفي وضعیت د ښه والي په موخه، د یادې ناحیې په اړوند سیمو کې تنظیفي حشر ترسره شو چې، په پایله کې یې یوه اندازه کثافات راټول او له ښار څخه بهر ولېږدول شول.
د دویمې ناحیې رئیس مفتي فضل کریم صدیقي، د حشر له ګډونوالو مننه وکړه او ویې ویل: « دغه حشر د تنظیفي کارکوونکو د ملاتړ په موخه ترسره شو او اړینه ده چې ښاریان د خپلو ملکیتونو شاوخوا سیمو پاکوالي ته جدي پاملرنه وکړي».
ښاغلي صدیقي له ښاریانو وغوښتل چې، کثافات په ټاکلو ځایونو کې واچوي، څو د ښاروالۍ د کارکوونکو له خوا پر وخت ولېږدول شي.
په دویمه ناحیه کې تنظیفي حشر ترسره شو