د کابل ښاروالۍ د اپلېکېشن پېژندنه (د ښاري خدمتونو ځیرکه برنامه)

کابل ښاروالۍ د لومړي ځل لپاره ښاریانو ته د آسانتیاوو رامنځته کولو په موخه، د ښاري خدمتونو یو اپلېکېشن جوړ او فعال کړی دی.
دغه اپلېکېشن مهم ښاري خدمتونه په انلاین ډول د ښاریانو په واک کې ورکوي، څو ښاریان وکولای شي له وروستیو خبرتیاوو څخه خبر شي.
خپلې ښاري ستونزې ثبت کړي او د ښاري پروژو د پلي کېدو بهیر پړاو په پړاو وڅاري.
دغه راز په دې اپلېکېشن کې اصلي پاڼه، خبرتیاوې، د شکایتونو ثبت، ښاري پروژې او نور انلاین خدمتونه هم شتون لري.
دا اپلېکېشن په موبایلونو او کمپیوټرونو کې د نصب وړ دی او ډېر ژر به په رسمي ډول د کارونې لپاره چمتو شي.