د کابل ښاروالۍ، سوداګرۍ او صنایعو خونې، د افغانستان نړیوالې سوداګرۍ خونې، د کارګرو ټولنې او د یو شمېر لویو سوداګریزو کمپنیو او پانګه والو د استازو ګډه غونډه د خپلواکۍ کلي جوړونه کې د برخې اخیستنې غونډه جوړه شوه.
دې غونډه کې د کابل ښاروال پوهنیار احمدذکي سرفراز، د ښاروالۍ د ټولنیزو او کلتوري چارو معین سرمحقق محمد فاضل شریفي، د سوداګرۍ خونې مرستیال خان جان الکوزي، د کسبګرو د ټولنې مشر محمد حسن سپاهي، د سوداګرۍ نړیوالې خونې مشر ښاغلي بهمن، د الکوزي ګروپ استازي او د یو شمېر نورو کمپنیو غړو په اړونده موضوع بحثونه وکړل.
کابل ښاروال غونډې ته وویل، کابل ښاروالي د چمن حضوري سیمه کې د خپلواکۍ د سلمې کلیزې په ویاړ د سوداګریزو، صنعتي، هنري او فرهنګي نندارتونو جوړولو لپاره خصوصي سکټور سره مرستې ته چمتو ده تر څو د خپلواکۍ سلمه کلیزه په لا ډېر شوق او جوش ونمانځل شي.
ورپسې د مجلس نورو غړو هم په دې تړاو خپل نظریات شریک کړل او هر ډول همکارۍ ته یې تابیا وښوده.
کابل ښاروالۍ د خپلواکۍ د کلي طرحه د خپلواکۍ د سلمې کلیزې د لا شانداره نمانځنې په خاطر جوړه کړې ده.
