د کابل ښاروالۍ له خوا د اتمې ناحیې اړوند د طلایي ښارګوټي مخې ته د ښاري بیا پراختیا پروژه روانه ده.
په دغه پروژه کې چې، په ټولیزه توګه په ۳۷۸ متر مربع ځمکه کې طرحه شوې ده، د دوو تکهویو په ګډون د یوه اته پوړیز بلاک جوړول، ۱۴ استوګنیز آپارتمانونه او یو سوداګریز پوړ شامل دي.
همدا راز په دې پروژه کې د موټرو تم ځای، د فاضلاب سیسټم، مرکز ګرمي او د ساتونکي د خونې جوړول هم په پام کې نیول شوي دي.
کابل ښاروالۍ پلان لري چې، د ښار د تلپاتې پراختیا په موخه، د استملاک پر ځای د ځمکو د بیا تنظیم او پراختیا له نوې کړنلارې څخه ګټه پورته کړي او د ښار په بېلابېلو ناحیو کې ورته پروژې پلې کړي، څو د کور جوړولو او د ښار متوازنې پراختیا ته زمینه برابره شي.
په اتمه ناحیه کې د ښاري بیا پراختیا پروژه روانه ده
16 ثور 1405