د کابل ښاروالۍ د تنظيف کارونکو د لوی اختر په ورځو کې د قربانيو له کبله ډکې شوې کثافت دانۍ د پاکولو په موخه له ښار څخه ټولې کړې؛ څو د ښار پاکي او صفايي رعايت شوې وي. دا کار د خلکو لخوا وستايل شو او د کابل ښاروالۍ د تنظيف کاروونکي يې لا وهڅول. له بل پلوه د خواشينۍ ځای دی چې په دې ورځو کې د کابل ښار ډېری اوسېدونکو د څارويو له حلالې پاتې شوي کثافات په ناسمو ځايونو کې اچولي چې د کابل ښاروالۍ د تنظيف د کاروونکو کار يې څو چنده کړی او د ښار د تنظيف کاروونکي او وسايل يې د پاکولو په چارو لا ډېر مصروف کړي دي. د هوسا ښاري ژوند د لرلو په موخه د ښاري اصولو او کلتور رعايت کول د ښار د هر اوسېدونکي لپاره اړين دي. په دې سره کولای شو چې د پاک ښار د لرلو هيلې ته ورسېږو.
د ښار د پاکۍ او صفايۍ په برخه کې د کابل ښاروالۍ له لوري بې شمېره فعاليتونه د خلکو لخوا وستايل شول
24 اسد 1398