د کابل ښاروالۍ تخنيکي او ساختماني معين محمد صدیق صاحبزي په دې وروستيو کې د ښار په کچه د سړک جوړولو له پروژو څخه د ليدنې پرمهال د سړک جوړولو په پروژو کې په سرعت او کيفيت باندې ټينګار وکړ.
هغه د سړک جوړولو له پروژو څخه په ځانګړې توګه له هغو پروژه څخه نظارت ترسره کړ چې چارې يې خصوصي شرکتونو ته د قرارداد له مخې ورکړل شوې دي، ښاغلي صاحبزي په ډاګه کړه چې په دې پروژو کې د ښاروالۍ په پروژو کې ښه کيفيت او ډيزاين ته په پام سره د علمي او تخنيکي مراحلو ترسره کول اړين کار دی او بايد له پلان سره سم د ډېری عمومي او فرعي سړکونو د قير کولو او کانکرېټ چارې د ژمي د موسم له رارسېدو وړاندې بشپړې او ياد سړکونه ګټې اخيستې ته چمتو شي.
