د اساسي او پوخ سرک حدف ته د رسېدو لپاره د اسد میاشتې په دریمه نېټه د یکشنبې په ورځ د ګل خاني او بابو کلیو د 19 ، 17 او 26 ساحو د سرک کانکریټولو چارې د کابل ښاروالۍ د چاپېریال ساتنې او ښاري خدمتونو معین ډاکټر مهتاب لخوا د سیمې د مشرانو په شتون کې پیل شوې . د تشویقي پروژو له لارې د هبیتات دفتر په همکارۍ یاد سرکونه کانکرېټ کېږي چې ټول لګښت یې 190000 امریکایي ډالره کېږي او له 20 څخه تر 25 سلنه د منطقې خلک به پکې برخه واخلي د دې سرکونو مجموعي اوږدوالی 3505 متره او پراخوالی یې 4 او 5 مترو ته رسیږي چې د ژمي د راتلو وړاندې به یې د کانکریټ چارې بشپړې شي.
