د ا.ا.ا د مشرتابه د حکم پر بنسټ، ښاغلی مولوي غوث محمد د دویمې ناحیې د نوی رئیس په توګه ټاکل شوی او د یو لړ مراسمو په ترڅ کې د یادې ناحیې کارکوونکو ته ور وپېژندل شو.
په دې مراسمو کې د کابل ښاروالۍ مقام د دفتر رئیس مفتي عبدالقادر نعماني، د فرهنګي چارو سلاکار نعمت الله بارکزي او د کارکوونکو چارو رئیس مولوي صارم محمود ګډون درلود.
د کابل ښاروالۍ مقام د دفتر رئیس د پخواني رئیس محمد اسحاق سعید له ترسره کړو خدمتونو مننه وکړه او ښاریانو ته یې د معیاري خدمتونو پر وړاندې کولو، د دندې په ښه توګه ترسره کولو او د ښاریانو اړتیاوو ته پر رسېدنې یې ټینګار وکړ.
نوموړي زیاته کړه چې، مولوي غوث محمد لوړې زده کړې او مناسبه کاري تجربه لري او تمه کېږي چې، د خپلې ژمنتیا له مخې به د ښاري خدمتونو د کچې لوړولو او د اداري چارو د ښه والي په برخه کې ګټورې کړنې ترسره کړي.
د دویمې ناحیې نوی رئیس وټاکل شو
10 سرطان 1405