نن شنبه د ۱۳۹۸ کال د وږي د میاشتې په ۹ مه نیټه د موټر چلونې بریښنایي جواز د کار بهیر له اسانولو وروسته په ازمایښتي ډول وویشل شو.
کابل ښاروالۍ له ټرانسپورت وزارت او د مخابراتو او ټیکنالوژۍ وزارت د اسان خدمت ادارې سره په همغږۍ د یو لړ مراسمو په ترڅ کې د موټر چلونې او د نورو لېږدونکو وسیلو د جوازونو چارې را لنډې او بریښنایي کړې دي، دا چې دا یو نړیوال عصري سیستم دی نو په پلي کولو سره به یې د ټرافیکو په مدیریت کې بې مخینې بدلونونه تجربه شي او په نږدې را تلونکې کې به رسما پرانیستل شي او ګټې اخیستنې ته به وسپارل شي.