د کابل ښار په بیلابیلو ناحیو کې د ښاریانو لپاره د کار د اسانتیا لپاره د کابل ښاروالۍ دې رهبری د ټینګار پر بنسټ د دو شنبه په ورځ د کابل ښاروالۍ مالي او اداري مرستیال سیدالرحمن جلال د شپږمې او اوومې ناحیو د اداري دفترونو څخه د لیدنې په ترڅ کې د دې ناحیو د بېلابېلو برخو د کار ډول له څرنګوالي او د مراجعینو لپاره د چټکو چوپړونو د رامنځ ته کولو لپاره دوی ته پر ژمنتیا او چوپړولۍ ټینګار وکړ او خپلو مسوولیتونو ته یې متوجه کړل.
مالي او اداري مرستیال زیاته کړه چې ښاریانو ته دې لازمې اسانتیاوې رامنځ ته شي او پېچلې اداري پروسیجرونه دې ساده او اسان شي، چې د مراجعینو کاري چارې په اسانه ترسره او معیاري چوپړونه ورته وړاندې شي او له بروکراسي او د وخت د ضایع کېدا مخه ونیول شي.