د یوولسمې ناحیې پنځمې ساحې د سرک جوړونې چارې دکابل ښاروالۍ د چاپېریال او ښاري خدمتونو مرستیال ډاکټر مهتاب عالم لخوا پېل شوې. دغه سرک چې د ۲۳۰ مترو اوږدوالي او ۸۰ مترو پراخوالي د ښکلي ګلدانونو په درلودلو سره چې ټول لګښت یې ۳۹۱۶۳ امریکایي ډالر کېږي جوړیږي چې له دغه جملې څخه یې ۸۹۵ امریکایي ډالر د پنځمې ناحیې د اوسېدونکو او پاتې یې د هبیتات میشتېدنې دفتر لخوا ورکول کېږي او په دوه میاشتو کې به یې د جوړولو چارې بشپړې شي. د دغه سرک په جوړېدنې سره به دځایي خلکو زیاتې ستونزې حل او د خټو او دوړو څخه به مخنیوی وشي.