کابل ښاروالۍ له خپل انکشافي پروګرام څخه د پنځمې ناحیې اړوند، د خوشحال خان مېنې د قلعه وزیر کلي رغونه پيل کړې، چې د ۱۷ کیلو متره په اوږدوالي د ۹۴ کوڅو او سړکونو کانکریټ پکې شامل دی. له دې جملې د ۳۵ سړکونو او کوڅو کانکریټ اچول شوی او ټاکل شوې چې د یخنۍ موسم تر رارسېدو پورې یې پاتې کانکریټ هم بشپړ او ګټې اخیستنې ته وسپارل شي. د دغې ساحې د فرعي سړکونو په رغونې به پر زیاتو چاپېریالي اسانتیاوو سربېره خلکو ته په ژمي کې د خټو او په نورو فصلونو کې، د دوړو او خارو ستونزې حل کړي.
په پنځمه ناحیه کې د قلعه وزیر کلي رغونه
16 سنبله 1398