د بارانونو موسم د رارسېدو په هرکلي د یکشنبه د ۱۳۹۸ د سنبلې په ۲۴مه د کابل ښاروال پوهنیار احمد ذکي سرفراز په مشرۍ او د کابل ښاروالۍ د مرستیالانو او تخنیکي مسوولانو په ګډون د موسمي بارانو له امله د ځمکې سطحې د اوبو د مهارولو په اړه تدابیري ناسته ترسره شوه.
په دې ناسته کې د کابل ښاروال د اوبو د ویالو او کانالو پر پاکولو پر تمرکز سربېره د موسمي بارانونو له امله اوبو وړو او زیانمنو ساحو او د بارنو په موسمونو د اوبو راپورته کېدو او سیلابونو د سیمو پر پېژندنې یې ټينګار وکړ او همدارنګه د سنجول شوو تدابیري پلانونو په برخه کې یې د هر یوه مسوول وظیفوي مکلفیتونه روښانه کړل او په دې برخه لازمې پرېکړې وشوې.
د یادونې وړ ده چې د ځينو ښاریانو لخوا په ویالو کې د کثافاتو د اچولو له امله د هغو بندېدل تل د کابل ښاروالۍ منابع زیاتې بوختوي، له دې وروسته به کابل ښاروالي دا موضوع په جدي توګه وڅاري او د چاپېریال ساتنې له سرغړونکو سره به قانوني چلند وشي.
