په دې وروستیو کې د کابل ښاروالۍ له انکشافي پروګرام څخه په څلورمه ناحیه کې په ۵۵.۷ هکتاره مساحت د کلوله پشته کلي رغونه پيل شوه.
د دغه کلي په رغونه کې لاندې برخې شاملې دي: د ۸۴ کوڅو او کوچنیو او لویو سړکونو، چې مجموعي اوږدوالی یې ۱۰.۳۹ کیلومتره دی کانکریټ، د ۱۴.۳۵ کیلومتره اوږدې او ۴ متره پلنې ویالې جوړول، د دې ساحې د ۴.۲ کیلومتره پلو لارو جوړول، پر کم سورو ویالو فلزي پلچکونه نصبول او د تولیدي کثافاتو تنظیم. دغه کلی به په یوه کاري کال کې په پاخه او اساسي ډول جوړېږي، چې ګټه اخیستونکي یې ۱۰۰۷۳ کسان دي. د روان کال د یخنۍ موسم تر رارسېدو به د دغه کلي د زیاتو سړکونو کار بشپړ او ګټې اخیستنې ته چمتو شي. دغه راز د خامه سړکونو ستونزي به یې په قسمي ډول حل او اوسېدونکي به یې اقتصادي او ټولنیزې ودې ته ورسېږي.
