د څلورمې ناحیې مسئولینو د خوراکي او غیر خوراکي توکو د کیفیت د څارلو په لړ کې، د دې ناحیې له بازارونو څخه ۱۹۰۰ کیلوګرامه بې کیفیته توکي چې، د مصرف نېټه یې هم پای ته رسېدلې وه او دغه راز۴۰ لوډسپیکرونه چې، د غږیزې ککړتیا لامل ګرځېدل راټول او د له منځه وړلو په موخه یې ټاکلي ځای ته ولېږدول.
د ښاریانو د روغتیا خوندي ساتلو په موخه، په دې ناحیه کې د چاپېریالي روغتیا د څانګې له خوا څارنې دوام لري. همدا شان له ښاریانو غوښتنه کېږي چې، د خپلو اړتیا وړ توکو د پېرلو پر مهال د هغو نېټې او کیفیت ته جدي پاملرنه وکړي.
دغه راز ټولو پلورونکو ته سپارښتنه کېږي چې، د بې کیفیته توکو له پلورلو څخه په کلکه ډډه وکړي.
د څلورمې ناحیې اړوند سیمو څخه ۱۹۰۰ کیلوګرامه بې کیفیته توکي راټول شول