د کابل ښاروالۍ په مرکزي او ۲۲ ناحیو کې د بیلابلو مسلکي او اداري ریاستونو تر مینځ د همغږۍ پراختیا او پرمختیا لپاره د راپور تحلیل او روزنیز ورکشاپ د شنبه په ورځ ، د روان کال د سنبلې په ۳۰مه نیټه د پلان جوړونې او پالیسۍ ریایت لخوا تر سره شو.
د کابل ښاروالۍ د پلان او پالیسۍ رئیس ښاغلي شفیق الله روغمل د دغه ډول ورکشاپونو جوړول د راپورونو په دقیق، کیمیت او کیفیت له مخې چمتو کولو کې ګټور وبلل او زیاته یې کړه!
د کارونو او فعالیتونو په څرنګوالي او راپور ورکول کې باید دغه اداره د معیارونو او حقایقو پر اساس ولاړه وي . په هره څانګه کې د چارواکو ترمینځ د همکارۍ روحیې پیاوړي کول او دهمغږۍ اصولو په اړه راپور ورکول اړین دي . نو ځکه د ورته ورکشاپونو جوړول به په ساحه کې چارواکو سره مرسته وکړي چې د کار پروسه یو ځای او ګړندۍ کړي .
ښاغلي روغمل زیاته کړه چې په دې اړه د کابل ښاروالۍ د ۱۳۹۸ کال د فعالیتونو د راپورونو د چمتوو کولو په حال کې ده او په ضمن کې د ۱۳۹۹ کال پلانونه هم ترتیبوي .
طمعه کیږي چي پلانونه د واقعتونو پر بناء جوړ شي او آینده پلانونه د ضرورتونو او اړتیاوو په پام کې نیولو سره جوړ شي تر څو د پاکو ، ښه او معیاري خدمتونو وړاندې کولو ځواب ویونکي اوسي.
د دې ورکشاپ ګډون کوونکو خپل نظرونه او وړاندیزونه وړاندې کړل تر څو د راپور ورکولو څرنګوالی بډایه کړي.
