په دولسمه ناحیه کې د احمدشاه بابا مېنې د پروژې د درېيم بلاک د (زرغون) تفریحي پارک د جوړولو کار د چهار شنبه په ورځ د ۱۳۹۸ کال د تلې په ۳مه د انکشافي پروګرام رییس عبدالقدیر ساحل او ۱۲مې ناحیې د رییس زمري کوچي په وسیله د دې ناحیې د اوسېدونکو او مخورو په حضور کې پيل شو.
ټاکل شوې ده چې دغه پارک به په اساسي ډول د کابل ښاروالۍ له انکشافي پروګرام څخه تر ۶۸ میلیونه افغانیو په زیات ارزښت په ۴۶۵۰۰ متر مربع مساحت په یوه کال کې جوړ شي؛ چې احاطه، د پلو لارو پوښل، د اوبو څاه، د اوبولو لپاره ذخیره، د ماشونو لپاره د لوبو وسایل نصبول، د فوټبال ورزشي میدان، نارینه او ښځینه تشنابونه، روښنايي، چترۍ، د ساتونکي کوټه، چمن، نیالګي او ګلونه اېښودل پکې شامل دي.
