د پنجشنبه په ورځ د تله په ۴ په کابل ژوبڼ کې په یوه محفل کې د لېوني سپي ناروغۍ پر وړاندې د مبارزې نړیواله ورځ ولمانځل شوه.
په دغه محفل کې د کابل ښاروالۍ د چاپېریال ساتنې او ښاري خدمتونو مرستیال ډاکټر مهاب عالمي، د کرنې او عامې روغتیا وزرات مسولانو، د کابل پوهنتون د وترنري پوهنځي استادانو او مهیو انیمل هوم دفتر، چې د کابل ښار د هرځايي سپيو په اړه له کابل ښاروالۍ سره همکاري لري، ګډون کړی و او د لېوني سپي له داړلو څخه د ښاریانو د خوندیتوب په خاطر یې د لېوني سپي ناروغۍ پر وړاندې د مبارزې پر اهمیت او ارزښت بحث او خبرې وکړې.
په دغه محفل کې د کابل ښاروالۍ د ښاري خدمتونو مرستیال د هرځايي سپيو د مدیریت د کار د پرمختګ په اړه معلومات ورکړل، چې په دریو وروستیو میاشتو کې د سپيو د شنډولو د مرکز له جوړېو راهیسې د لېوني سپي ناروغۍ د واکسینو پر تطبیق سربېره یې تر اوسه په ښار ۱۲۰۰ هرځايي سپۍ شنډې کړې دي
